Op 1 Mei 2024 het die jaarlikse Kalos Sportdag weer vir opwinding en spanbou gesorg toe die Perdefontein, Jonkershoek en Waboomskraal spanne mekaar in goeie gees die stryd aangesê het. Hierdie dag is een van die hoogtepunte op ons kalender, ’n tyd waar kollegas saamkom om deel te neem, aan te moedig en bande te versterk.
Van sakspring en toutrek tot netbalwedstryde en hardloopresies, die veld was gevul met energie en entoesiasme. Elke span het hul beste gegee, en die gees was aansteeklik!
Dié jaar het Perdefontein met trots die sportbeker huis toe geneem, terwyl Jonkershoek die geesbeker gewen het vir hul uitmuntende ondersteuning en spangees.
Ons is trots op elke deelnemer en toeskouer wat hierdie dag onvergeetlik gemaak het. Tot volgende jaar, mag die gees net bly groei!
